لما بتنزل نسخة من برامج أو ألعاب جديده بتلاقي اصدارات دائما جنب اسمها
Alpha / Beta / Demo / Trial
لما بينزل برنامج/لعبة مبتنزلش السوق بشكل رسمي مرة واحدة كدة علشان دائما بيبقي فيه غلطات ومشاكل في الكودنج نتيجة ان أكثر من شخص بيبقي شغال في نفس المشروع او تعارض أفكار كانت المفروض تتنفذ ومتنفذتش مع اصدار سابق للـمنتج ده
- النسخة Alpha :
نسخة مليئة بالعيوب ولا تصلح كنسخة أساسية، بتبقي موجهة بشكل أساسي للمطورين علشان يقولوا رأيهم فيها ويتعدل الغلطات اللي فيها - ممكن ينزل منها أكثر من نسخة بس بيبقي كحد أقصي نسختين والا بيبقي المنتج ده فاشل في نظر المطورين
- النسخة Beta :
النسخة المعدلة من نسخة ألفا، بتنزل بكل التصليحات اللي اتقالت عليها بضمها وتعديلات جديدة كمان وممكن ينزل منها أكثر من نسخة لغاية ما المنتج الكود المكتوب بيه يكون استقر ومحترم وينفع ينزل للناس
- النسخة Demo :
نسخة غير مكتملة المزايا من الـمنتج بتنزل علشان تخلي الـمستخدم يجرب المنتج ده علي الحقيقة بدون ما يدفع فلوس فيه بس بيكون ليها حدود في مزاياها زي ألعاب الكورة مثلا بيديك ماتش واحد لمدة ربع ساعة
- النسخة Trial :
نسخة مبدئية من الـمنتج بتنزل علشان الناس تجربها بتكون ليها وقت معين وبعدها النسخة تتقفل ومينفعش تشتغل عليها الا لما تشتريها وممكن تكون Demo و Trial في نفس الوقت
................................................................................................
لا تستخدم Alfa كنسخة رئيسية لأنها مليئة بالثغرات .
لا تستخدم Beta إلا للضرورة .
النسخ الـ Technical Preview تعتبر Alpha أو Beta علي حسب درجة أو مدي انتهاء التعديلات عليها .
ليست هناك تعليقات:
إرسال تعليق